كۆنگره‌ی به‌رزڕاگرتنی یادی مه‌وله‌وی كورد
له ڕۆژه‌كانی 9 و 10 ی مانگی شهریور ساڵی 1371 (له كۆتایی مانگی ئابی ساڵی 1992)، له شاری سه‌قز كۆنگره یه‌كی گه‌وره له‌‌ماوه‌ی دوو ڕۆژ به به‌شداری لایه‌نه په‌یوه‌ندداره‌كان له كه‌سانی ئه‌كادیمی و زاناو مه‌لای ئاینی، فه‌رهه‌نگی، نوێنه‌رانی لایه‌نه حكومی و ڕێكخراوه ناحكومییه‌كان و كه‌سانی دیكه‌ی په‌یوه‌ندی دار به ئایین و زمان و فه‌رهه‌نگی كورد و ئێرانی به‌گشتی ، له شارۆچكه‌ی سه‌قز به‌ڕێوه‌چوو كه سه‌ره‌تا په‌یامی وزیری فه‌رهه‌نگ و ئیرشادی ئیسلامی ئاغای دكتۆر علی لاریجانی خوێنرایه‌وه ،پاشان به‌ڕێز ئیمام جو‌معه و نوێنه‌ری كۆمه‌ڵه‌ی ڕۆژنامه‌وانان له شاری سنه حاجی مه‌لا عبدالله محمدی، و به‌ڕێزئاغای مسعودی قایمقامی سه‌قز و شاره‌زایان عه‌لامه محمد تقی جعفری و دكتۆر نمیر جلال الدین كزازی ،دكتۆر وامقی ،دكتۆر جلیل مسگر نژاد ،دكتۆر محمد مجدی . دكتۆره مهین معتمدی، مامۆستا ئیره‌جی ته‌برێزی جگه له نوێنه‌رانی كوردستانی باشور نوێنه‌رانی خه‌ڵكی شاره‌كانی سنه ، سه‌قز ، بانه ، مه‌ریوان و بۆكان له مه‌جلیسی شورای ئیسلامی و كۆمه‌ڵێكی دیكه له گه‌وره فه‌رهه‌نگ و ئه‌دیبانی ئێرانی و ئیسلامی به خوێندنه‌وه‌ی وتار و شیعر به‌شدارییان كرد.