ئه‌م كتێبه له نووسینی مامۆستا حه‌كیم مه‌لا ساڵحه، له دووتوێی (156) لاپه‌ڕه‌دا و له ساڵی 2008دا له‌چاپ دراوه.
كارێكی به‌راوردكاری له‌نێوان دوو شاعیری گه‌وره كه مه‌ودای ته‌مه‌نیان زۆر لێكه‌وه دوور بووه و كوردبوونیشیان هیچ له‌و مه‌ودایه كه‌م ناكه‌ته‌وه، چونكه شێوەزارەکانینان دوورن له یه‌كه‌وه، ئه‌وانیش مه‌لای جزیری و مه‌وله‌وییه. هه‌روه‌ها ته‌قینه‌وه‌ی زمان لای مه‌وله‌وی و ئاوڕدانه‌وه‌ی له كه‌له‌پوور و هه‌ندێك له نامه عه‌ره‌بییه‌كانی مه‌وله‌وی، پاشان باسێك له وتاره‌كه‌ی حه‌مه‌ی مه‌لا كه‌ریم و واتای ڕاسته‌قینه‌ی هه‌ندێ وشه له دیوانی مه‌وله‌ویدا.